ခရီးရှည် နှင့် ခရီးသည်

ခရီးရှည် နှင့် ခရီးသည်
==============
အာပလာဖြစ်မယ့်လျှောက်လွဲချက်တွေကိုကြိုးဖြည်လွှတ်လိုက်မိတယ်
နေ့ စဉ်ရက်ဆက်မိုးမရွာတဲ့ဝါဒဘယ်သူ့ ကိုဒေါသဖြစ်လို့ ဖြစ်မှန်းမသိရတဲ့ကိစ္စနဲ့ 
စိတ်ဆန္ဒတချို့ရဲ့ဟန်ဆောင်မှုတွေကိုဆာဟာရကွင်းပြင်ထဲစားကျက်ရှာဖို့ 
အတွင်းအဇ္ဈတ္တအမိန့် ကြောင့်တင်းကြပ်စွာစေခိုင်းလိုက်ပြန်တယ်
ခြစ်ခြစ်တောက်ပူနေတဲ့နှလုံးအိမ်ကိုရေခဲအုပ်ဖို့ မလိုဘူး
သီအိုရီမဆန်တဲ့ရုပ်ကြွအပူရောင်မျက်နှာဖုံးတွေကြားမှာ
ပိုးတုံးလုံးဝိဉာဉ်တကောင်လို အတ္တရုပ်ကိုချက်ချင်းပြောင်းလဲစေတဲ့ပညာရပ်နဲ့ 
ထုသားပေသားကျနေထိုင်မိတော့ ဟာသတွေတစီတတန်းပါပဲ
တခါတလေများရီရင်းနဲ့ မျက်ရည်တောင်ပိုးပိုးပေါက်ပေါက်ကျတယ်
တကိုယ်ကောင်းဆန်တဲ့မျှော်လင့်ချက်တွေနဲ့ အသက်ရှင်ရတာကြာတော့
လောကကြီးကိုပျင်းရိငြီးငွေ့ ခြင်းတွေဖုံးလွမ်းနေသယောင်ယောင်ထင်မိပြန်တယ်
အစမပါတဲ့စက်ဝိုင်းထဲမှာအဆုံးရောက်အောင်သွားဖို့ ကိုယ့်ရိက္ခာကိုယ်စု
ဘယ်သူမပြုမိမိမှုဆိုတဲ့ခေါင်းစဉ်ကြီးက ကပျက်ယပျက်နိုင်လွန်းတယ်
အမြုပ်တစီစီထနေတဲ့ ချဉ်ခြင်းတက်မှုတွေနဲ့ မီးခဲပြာဖုံးတပ်မက်မှုတွေကြားမှာ
ဗျာများနေရတဲ့ဘ၀တွေကိုဘယ်သကောင့်သားကမှဒုက္ခအသစ်နဲ့ အဟောင်း
ပြောင်းလဲဖို့ စိတ်ဝင်စားကြမယ်မထင်ဘူး။လောကကြီးကိုချောင်းကြည့်လိုက်စမ်းပါ
"လူတော်တော်များများဟာနဂိုအတိုင်းပြန်သွားရလိမ့်မယ်။"
သက္ကရာဇ်တွေကျော်လွှားဖို့ ရထားစီးလက်မှတ်ကိုခပ်တင်းတင်းဆုတ်
ဟုတ်သည်ဖြစ်စေမဟုတ်သည်ဖြစ်စေ တခရီးထဲသွားရမယ့်ခရီးဖော်တွေကို
မာန်စွယ်တွေဖွေးဆွတ်နေအောင်ဖြဲပြခြင်း မျက်လုံးကလေးဝင့်၍ကြည့်ရှုခြင်း
ဣဿာမစ္ဈရိယပွားများခြင်းခနိုးခနဲ့ အပြုံးတို့ ဖြင့်ပြီတီတီရယ်ကျဲကျဲအကျင့်စရိုက်တို့ ကို
အခါအားလျှော်စွာပြုမူလို့ နောင်သံသရာဝဲသြဃဘုံထဲခပ်ပျော်ပျော်ပဲခရီးနှင်အုံးမယ်


မိုးသူ(တောင်ကြီး)

06 June 2013 / Thursday
07:50/PM