လက္ခ်ဳိးေရတြက္ေနျခင္းနွင့္ သူျပန္လာမယ့္ရက္စဲြ



ခ်စ္သူေရ......
ၾကယ္ေတြအေဖြးသားနဲ ့အခုည
နင့္ကုိတမ္းတရလြန္းလို ့
ငါ့ရဲ ့ရင္ဘတ္ထဲက
အလြမ္းေရာင္စံုေတြပန္းထြက္ေနတယ္ကြယ္

ခ်စ္သူေရ....
တိုးညင္းစြာနဲ ့နင့္နာမည္ေလးကုိ
ခပ္ဖြဖြေလးေရရြတ္ရင္း
ရုိးစင္းလြန္းတဲ့သမုဒယျမစ္ျပင္မွာ
ငါ့အခ်စ္ေလွကေလးလြင့္ေမ်ာေနတယ္

ခ်စ္သူေရ.....
တခါတခါပင့္သက္ေတြမွဳတ္ထုပ္ရင္း
ေမွ်ာ္ေနရတဲ့ေ၀ဒနာေတြဟာ
တစတစတိုးတက္လာတယ္
အဲဒီလို အခ်ိန္မ်ဳိးဆိုရင္ေလ
ငါဘယ္သူ ့ကုိမွစကားမေျပာခ်င္ေတာ့ဘူး

ခ်စ္သူေရ....
စိမ့္ေနေအာင္ေအးခ်မ္းလြန္းတဲ့
ေဆာင္း၀င္စရာသီေၾကာင့္မို ့လားေတာ့မသိဘူး
ေန ့လည္ခင္းအခ်ိန္ေတြဆိုရင္
ငါတိမ္ေတြကုိခိုစီးလို ့
နင့္ဆီကုိသိပ္လာခ်င္တာပဲ

ခ်စ္သူေရ...
နင္ျပန္လာမယ့္ေန ့ရက္ေလးေရာက္ရင္ေလ
ငါ့ရဲ ့ၾကည္နူးျခင္းေတြနဲ ့အသက္ဆက္လို ့
နင့္အတြက္ေပ်ာ္ရႊင္ျခင္းေတြနဲ ့ေပးဆပ္ပါ့မယ္ကြယ္
အဲဒီအခါက်ရင္ေလ....ဟုိတခါလိုမ်ဳိး
နင္ငါ့ကုိလစ္လ်ဴမျပဳထားရဘူးေနာ္

ခ်စ္ရလြန္းသူရယ္
ေမာင္......
တမ္းတမ္းတတ.....ေမွ်ာ္ေနပါတယ္ကြယ္

မိုးသူ(ေတာင္ၾကီး)

29 Oct 2012/Monday
8:04/PM

No comments:

Post a Comment