ခိုးကူးခံခဲ့ရသောကဗျာများဆီသို့ ငြီးခြင်း

တကယ့်ရိုးရိုးကဗျာပါပဲ
အမျိုးမျိုးလဲတွေးကြည့်ပါတယ်
သူခိုးဆိုးဘေးလဲကြောက်ရ
ခိုးကူးတဲ့ဗလာနကိုလန့် ရနဲ့ 
အန္ဓတွေဟာအရှက်မရှိကြတာယုံပြီ ။

အက္ခရာ ရစ်သန်
အမြင်မှန်တဲ့နမိတ်ပုံ
အရိပ်စုံအောင်ဖော်ကျူး
စကားလုံးတွေနဲ့ပျော်မြူးချင်ပေမယ့်
ဒီအရူးကတော့..ခိုးကူးဖို့ 
လောက်ပဲစဉ်းစားမှာပေါ့ ။

ကဗျာတွေကိုသာခင်တွယ်

အထင်ဟာလွယ်ပေမယ့်

တကယ်အသေချာတွေးကြံ

ပိုင်ရှင်အမှန်ရဲ့ ရင်တွင်း

ဘယ်လောက်ပူပြင်းနေလိုက်မလဲ ။

ဂုဏ်ပြုပေးဖို့ တောင်ဝန်လေး

မင်းတို့ မြင်အောင်တွေးကြည့်ကြပေါ့

ကျူပ်ပြောရင်ထိလိမ့်မယ်

အသိမလွယ်တဲ့ဦးနှောက်

ကုန်းကောက်ဖို့ မရှိတဲ့ဥာဏ်နဲ့ 

ကိုယ့်အထွာကိုယ်ပြ

ကိုယ့်သိက္ခာကိုယ်ချလို့ 

အနုသုခုမကိုမှ

ခိုးရက်သတဲ့လား

စားထားတဲ့ထမင်း

အပင်းသာဖြစ်လိမ့်မပေါ့ ။

မိုးသူ(တောင်ကြီး)

01 July 2012 / Sunday

09:23/AM

ဒီကဗျာရေးလို့ မိုးသူကိုဝိုင်းမသမကြပါနဲ့ 

သူငယ်ချင်းတွေရဲ့ ကဗျာတွေ ခိုးယူခံရပြီး

တခြားကလောင်အမည်ခွဲနဲ့ Facebook မှာတင်လို့ 

ခိုးခံရတဲ့ကဗျာတွေအစား

ဒီကဗျာလေးကိုရေးခိုင်းကျလို့ 

ရေးဖြစ်သွားတာပါ ။